Puso e tlama badiredi ba yone go itsaya ka botho. Ba ba mo ditumalanong le puso le baba mo bogoging kgotsa boeteledipele ba tlamega go sala morago botho/maitsholo a mantle go ya ka fa tumalono e e kwadileng. Puso e itebagantse gape le gore dikgwebo tsedi ikemetseng ka nosi le babereki ba tsone ba tshegetse maemo aa ko godimo a maitsholo a mantle mo ditirong tsotlhe tse ba di tshwaraganetseng le puso.

Maitsholo a mantle a ka thusa mongwe le mongwe go nna le tirisano mmogo ee tlhamaletseng e bile ele ya tlhwatlhwa. Maitsholo a aka letla bodiredi go godisa ditsompelo/ditirelo tsa bone ka tsela ee agang, go tila ditsela tse di senang mosola le tsedi seng ka fa molaong. Badiri ba dithoto le ditirelo ga ba a tshwanela go nna le tshoga, mme ba tshwanetse ba itse fa ba tlaa iteisana borathana ba itse fa bagaisanyi ka bone bana le maitsholo a mantle, go setswe melawana ya kgwebo e e kwadilweng e bile e dumelanwe.

Mo diemong tse dingwe tsedi amanang le boitsholo, melawana ya tsamaiso e tshwanetse go dirwa go supa le go fefosa go thibela kgotlhang ya dikeletso, go itepatepanya  le go fetoga ga mananeo, le go tshegetsa dikitsiso tse di kgethegileng. Fa go ka diragala gore modiri wa dithoto le ditirelo mongwe ere mo go dirisaneng ga gagwe le yo mongwe modiri wa dithoto le ditirelo ga mmogo le puso go gogele ko kgotlhang ya dikeletso, modiri wa dithoto le ditirelo o ka tshwanelwa ke go kgaoganya ditirelo/merero go kganela kgotlhang e.

Puso e solofela gore botlhe ba ba tshwaraganetseng tiro le yone, ba tlaa tshegetsa tirisano mmogo e e tlhwatlhwa le badirela puso ba ikaegile ka tshepo. Tirisano mmogo e, e e ka ntshetswang mo pontsheng le go kanokiwa ke sechaba. Badiri ba dithoto le ditirelo ba ka solofela tirisano mmogo le puso ee lolameng ebile e letla go rarabolola mathata aa ka tlhagang. Badiri ba dithoto le ditirelo ba tshwanetse go tlhaloganya maitsholo a mantle mo bodirela pusong, ba netefatse gore mekgwa kgotsa tiro ya bone ga e tsenye badirela puso mo kgatelelong go ikgatholosa maitsholo a, mme a tsise seemo sese kgothatsang mo tirong.

Mo tshobokong, puso e solofela badirela puso go itshwara ka ditsela tsedi latelang:

• Ba tseye ka tekatekanyo ikopelo ditiro le direlo tsa puso
• Ba fokoletse ditlhwathwa tsa go reka ko badiring ba dithoto le bodiredi
• Go babalela megopolo le dikitsiso tsedi kgethegileng
• Ba dirisane le badiri ba dithoto le ditirelo ka boammaruri le go ba duela ka nako.
• Ba fitlhelele maemo le go nna le boikarabelo mo go tsedi amang setshaba
• Ba tile diemo tse dikeletso tsa bone di tlaa fapaanang kgotsa di tlaa nnang kgatlhanong lego direla sechaba.
• Ba ikgaphe mo go amogeleng dimpho  tse di tswang ko badiring ba dithoto le bodiredi tse di ka feletsang di ba dira gore ba ikgatholose go direla puso
• Ba tsibogele kopo ya kgakololo le dikitsiso le go godisa dikgaisano tsedi gololesegileng, di bulegile le go batla tlhwatlhwa ya madi a batho ba ba duelang lekgetho.

Melawana e ya mokgwa wa boitsholo, e fitlhelwa gape mo dipampiring tsa tsamaiso le mo melawaneng ya puso, ga mmogo le molao wa twantsho borukuthi le go gopela itsholelo. Bagakolodi, baagi, badiri ba dithoto le bodiredi le bagolaganyi ba puso, go solofela fa ba tlaa tlotla maikarabelo a a beilweng mo badirela pusong, go sala morago melawana/mananeo le go tsamaisa ka mekgwa e e latelang:

• Go nna le tekatekano mo tirong
• Go ikgapha mo ditlhakatlhakanong
• Go tlhagisa batho ka dilo tse di ka ba sologalang molemo mo tumalanong/kgolaganong fa go tlhokafalang teng.
• Go thibela go ntsha dikitsiso tsedi kgethegileng e se ka fa molaong, go  balelwa le tsedi amang kgwebo le go sireletsa dikitsiso tsedi kgethegile.
• Go ikgapha mo go feng bo ra-dikgwebo kgotsa mang fela madi kgotsa pipamolomo ka maikaelelo a go ipaya mo maemong a a siameng
• Go tlhabolola, go godisa le go diragatsa melawana e e tshwanang le ee dirisiwang mo badirela pusong fa ba dira tiro ya puso.
• Go lebelela melawana ya puso ee kgaoganyang bodiredi ka maemo.

Molao ole mongwe ga o kake wa dirisiwa mo diemong tsotlhe, eka nna ko bogakoloding kgotsa moagi wa tlhwatlhwa. Dikarolo tsa lephata di tshwanetse go thama lego diragatsa maikaelelo ka tsela e e siametseng botlhoki mo tirong.

Badirela puso le badiri ba dithoto le ditirelo ba ka itlhokomela ka tsela e e latelang:

Dimpho: Go se nne ope yoo solofelwang go fiwa mpho, ebile mpho e seka ya fiwa ope ka tsholofelo ya gore o tlaa thusiwa ka tsela e e seng maleba. Fa modiri wa dithoto le ditirelo a eletsa gofa mpho, e tshwanetse ya nna ya boleng jo bo ko tlase, ebile e abiwa fela ka nako ya meletlo, sekai  ka malatsi a botsalo jwa morena, e sa amane gope le go sekaseka kgotsa dipuisano tsa ditumalano kgotsa dikgolagano. Fa modiri wa dithoto le bodiredi a eletsa gofa mpho jaaka sekai sa tiro ya gagwe, sese nang le boleng jo bo ko godimo, e tshwanetse ya isiwa ko lephateng le le  lebaneng go nale go neelwa motho ale mongwe. Dimpho tsa mothale o, di are gotswa foo di kwalwe dibo di bolokiwa go setswe tsamaiso morago.

Codes of conduct in the public service

Code Principles 

 Specific Guidelines